Novidades

Día dos legumes

(01/12/2024)

O día 10 de febreiro celebrouse o día dos legumes en colaboración con destacados locais de restauración o noso cole levou a cabo a Receita de Brasa de Beche (Abegondo) “Fabas melosas con pulpo”. Unha delicia nutritiva que os escolares degustaron no comedor escolar. 

Esta inicitiva partiu de Slow Food Compostela, asociación que representa ao movemento Slow Food en Galicia, temos esta iniciativa de colaboración entre os Restaurantes e outros Espazos KM 0 e os Comedores Escolares KM 0.

Renovación da certificación Comedor KM 0

(15/01/2025)

Na actualidade, o comedor do López Ferreiro é unha referencia entre os colexios compostelás e galegos pola calidade dos menús e do servizo, onde moitas veces a comida dista moito de ser o que se espera dun menú escolar con pratos dignos do mellor restaurante.

Máis información

Concurso Sobremesas en familia

(01/12/2024)

O martes 17 de decembro ás 17 horas levarase a cabo o concurso de Sobremesas en familia.  Haberá tres categorías e tres premios cun vale regalo para libros.

ENAPA: O conflito na familia: como xestionalo mediante a comunicación asertiva 

(11/11/2024)

O faladoiro esenvolverase o 11 de decembro de 16 a 18 horas na Biblioteca escolar e será impartido por Jenniffer Herbón.

Obras ao redor do cole! 

(09/09/2024)

O alumnado que faga uso do do Camiño escolar seguro (Colecamiños),  terá que facelo por Xasmíns (entrada de dirección-conserxería. 

As entradas de madrugadorxs terán que facerse por Xasmíns (entrada de dirección-conserxería). 

A recollida dxs nenxs de comedor, tanto primaria como infantil, será pola rúa Xoán XXIII.

Fai a túa preinscrición nos servizos da ANPA a partir do 4 de setembro 

(03/09/2024)

Para cubrir o formulario preme aquí.

Formación en liña Prevención da violencia cara a infancia (Programa Poñendo os Lentes) 

(23/05/2024)

O 29 de maio ás 17 horas desenvolverase a formación en liña Prevención da violencia cara a infancia do Programa Poñendo os Lentes.
Máis información do proxecto aquí.

Axudas para libros de texto e material escolar 

(23/05/2024) Do 21 de maio ao 21 de xuño as familias poderán realizar as peticións para o vindeiro curso das axudas de libros, fondo solidario e bono material.

Acceso á convocatoria (BOP) (DOG)

Acceso ao fomulario aquí.

Charlas informativas sobre as TIC no ensino

(15/01/2024) Tal e como se acordou na asemblea xeral da Anpa do primeiro trimestre en relación ao debate de Edixgal e as TIC no ensino, ofrecéronse dúas charlas informativas complementarias. 

Por unha banda, a Anpa do CEIP Apóstolo organizou en colaboración coa Plataforma galega de familias «Adolescentes libres de smartphones» e Ecoloxistas en Acción. Contou como relatores coas coordinadoras da campaña «escuela saludable» de Ecoloxistas en Acción e da súa guía para nais, pais e docentes «Medrar de forma saudábel nun mundo dixital», que se facilitará gratuitamente en versión impresa.

Doutra banda, o Centro Autonómico de Formación e Innovación (CAFI) no marco de Escola de Familias, envíou á relatora María Lobo para falar do uso das TIC en Educación. Esta charla tivo lugar no noso cole o 23 de xaneiro.

Recordatorio ás familias que teñen bolsa comedor e/ou actividades 

(07/02/2024) Lembrámoslle ás familias que teñen bolsa comedor e/ou actividades que teñen que enviar por rexistro ao Concello de Santiago a declaración xurada de non ter débedas, xa que caduca aos seis meses.

Conciliación municipal de Entroido

(15/01/2024) Está aberta a inscrición no programa de conciliación municipal de Entroido que contará con 150 prazas e que terá lugar no CEIP Quiroga Palacios e no CEIP Monte dos Postes. 

Máis información

Relanzamos o Nadal circular!

(01/12/2023) Este grupo de Telegram, que está de aniversario, naceu dentro do proxecto López Ferreiro Circular na procura unha vida máis sostible. 

Queremos reutilizar moito máis e mercar moito menos. 

Coa chegada de decembro, queremos que os agasallos, libros e xoguetes retomen o protagonismo. Aproveitade para circular esas cousas que teñen moita vida pero xa no se usan, ou para aforrar uns cartos e, de paso, non desbaratar recursos innecesarios. Sinxelo, non?

Agardamos que as familias esteades cómodas e que sexades motor para que o grupo funcione.

Comeza o Colecamiños

(30/11/2023) Hoxe comezou por fin este programa que levamos preparando moito tempo con tanta ilusión. Foi un momento moi emocionante para todas! Sobre todo, para ó alumnado que puido vir desfrutando do percorrido a pé co seu grupo de iguais.

Ao ser o primeiro día, puidemos contar coa presenza de dous axentes de policía, pero nos vindeiros días vos recordamos que o alumnado máis pequeno debe vir acompañado dun/ha adulto/a. Vos animamos a facer quendas nas que cada familia faga de acompañante os días que teña dispoñibles.

Animádevos a vir xuntas/os e sen coche! 

Podes ver a noticia do Concello de Santiago: http://santiagodecompostela.gal/hoxe/nova.php?id_nova=22936&lg=cas

Colaboración na horta escolar o luns 27 de novembro de 16 a 17.30 horas
(24/11/2023) Co motivo de ampliar a pequena zona de horta da escola para o cultivo de plantas aromáticas e algunhas flores, precisamos a túa colaboración para a limpeza de herbas e bancais  que se desenvolverá o luns 27 de novembro de 16 a 17.30 horas.

Se tes na casa material de horta que non uses podes doalo para este fin. Valen regadeiras, luvas e outra pequena ferramenta. Pódelo deixar o vindeiro luns na zona da horta.

Publicación da presentación da Asemblea do 16 de novembro de 2023

Está publicada a presentación da asemblea do 16 de novembro.