Embedded Files
O CEIP López Ferreiro ten cociña propia e posúe o distintivo Slow Food Compostela.
Tanto por parte da ANPA como do persoal de cociña e comedor, fíxose unha aposta polo consumo ecolóxico e de indicativos de calidade, por un contacto directo cos fornecedores locais sen intermediarios e polos menús cunha elevada calidade gastronómica.
O peixe fresco habitualmente é lombo de xarda, xurelo, lirio ou sardiña, en función da lonxa do día.
A ensalada variada é un dos acompañamentos dos pratos principais e variará a súa composición segundo a climatoloxía. Soe levar leituga, tomate, olivas, queixo, millo, remolacha, lombarda, ovo, atún e cebola.
A base das cremas de verduras é a cenoria, a pataca, a cebola o allo porro e o ingrediente principal.
A sobremesa consiste en froita da tempada, iogur ou xeado.
O distintivo Slow Food Compostela. Este selo garante o compromiso social na compra das materias primas, velando en que os produtos sexan de proximidade, posúan indicativos de calidade e sexan ecolóxicos.
A iniciativa, que respecta o ecosistema, defende a biodiversidade e é un compromiso ético dos/as produtores/as, diminúe a pegada ambiental e social.
Historia do noso comedor escolar
Historia do noso comedor escolar
O colexio conserva a cociña desde a época en que funcionaba como centro de prácticas da Universidade de Santiago (USC) para a formación de docentes, dende 1984. Considerouse suprimila, pero a asociación decidiu asumir por completo a súa xestión, converténdoa ata hoxe nun referente de xestión en Santiago de Compostela. Cada nova directiva da ANPA procura mellorar o legado, deixando a súa pegada para asegurar a continuidade e a calidade do servizo.
Contamos cun excelente equipo de traballo composto por aproximadamente 15 persoas. A cociña está coordinada por Susana Fondo e Pepe Castro, mentres que a xestión das actividades extraescolares e a ludoteca están a cargo de Laura Iglesias e Andrea Abad.
Menús equilibrados e alérxenos detectados
Menús equilibrados e alérxenos detectados
Todos os menús son revisados por Emma Enríquez Merayo (Dietista-Nutricionista colexiada n.º GA00039, Farmacéutica Directora de Nutriciona (http://www.nutriciona.es).
Nos menús aparecen sombreados en cor amarela os alérxenos presentes segundo as obrigas de información establecidas no Real decreto 126/2015, de 27 de febreiro e o R(UE) 1169/2011. Ante alerxias ou intolerancias severas cómpre sempre consultar á responsable de cociña. Poderase elaborar un menú adaptado as intolerancias ou alerxias. Pode haber trazas de sulfito debido ao aderezo con vinagre dalgúns pratos ou outros ingredientes.
Horario
Horario
De 14.30 a 17.00 horas. Os nenos e as nenas poden ser recollidos a partir das 15.30 da tarde.
Recollida de comida
Recollida de comida
Lembra que os días que os teus fillos e fillas non queden a comer de xeito puntual, podes solicitar a entrega da comida desa xornada. As condicións deste servizo serán que acheguedes ao centro dous tapers nunha bolsa co nome ben esa mesma mañá ou ben o día anterior. O horario de recollida da comida será entre 13.30 e 14.00 para non entorpecer o servizo de atención ás crianzas.
Menú actual
Menú actual
Inscrición
Inscrición
Se precisas de forma esporádica o servizo de comedor cómpre que avises cun día de antelación. Só en caso de urxencia podes avisar no día.
Podes inscribirte a través do formulario ou chamar por teléfono a Susana Fondo (691 899 742), que é a encargada do comedor, ou ao persoal coidador de infantil e primaria (649 294 475).
Prezo
Prezo
Outros
Outros
Os descontos aos irmáns ou ás irmás faráselles só ás familias que non reciben a axuda do concello polo servizo.
Listado de fornecedores para o curso 24-25
Listado de fornecedores para o curso 24-25
As empresas provedoras selecciónanse rigorosamente seguindo criterios de calidade, proximidade e custos.
Importante
Importante
As crianzas de infantil deben traer un mandilón e un cepillo de dentes.
Calquera alerxia ou intolerancia alimentaria debe ser anotada na folla de inscrición, achegando unha copia do informe médico. Xerarase un menú adaptado a cada caso.
Para o alumnado con patoloxía crónica contamos en coordinación con centro co programa Alerta Escolar, para suministración puntual de medicación indicar que as traballadoras non teñen a obriga legal de facelo e de acordar con elas a suministración (sempre entendendo que se fai de forma voluntraria por parte delas) entregarase informe médico coa dose especifica e datos do menor.
Google Sites
Report abuse